مقبوضہ جموں و کشمیر
مقبوضہ کشمیر : سڑک حادثے میں7بھارتی فوجی ہلاک اوردرجنوں زخمی
سرینگر16 اگست (کے ایم ایس)
غیر قانونی طور پر بھارت کے زیر قبضہ جموں و کشمیرمیں جنوبی کشمیر کے ضلع اسلام آباد میں سڑک کے ایک حادثے میں کم سے کم 7بھارتی فوجی ہلاک اوردرجنوں زخمی ہو گئے ہیں ۔
کشمیرمیڈیاسروس کے مطابق ضلع کے علاقے پہلگام میں بھارتی فوج کی ایک بس گہری کھائی میں گرنے سے انڈو تبتین بارڈر فورس کے 7اہلکار ہلاک اور 33شدید زخمی ہو گئے ہیں۔ایک سرکاری عہدیدار کے مطابق امرناتھ یاترا کی ڈیوٹیاں انجام دینے والے 37انڈو تبتین بارڈر فورس اور دو پولیس اہلکاروں کو پہلگام سے پولیس کنٹرول روم سرینگر لانے والی بس گہری کھائی میں گرنے سے یہ حادثہ پیش آیا ۔ حادثے میں انڈو تبتین بارڈر فورس کے 7اہلکار موقع پر ہی ہلاک ہو گئے جبکہ2پولیس اہلکاروں سمیت 33اہلکارحادثے میں زخمی ہو گئے جن میں سے 10کی حالت تشویشناک بتائی جاتی ہے ۔
