جنرل اسمبلی سے بھارتی وزیر اعظم کے خطاب کے خلاف اسلام آباد میں احتجاجی مظاہرے

 

aphc

اسلام آباد25 ستمبر (کے ایم ایس)اقوم متحدہ کی جنرل اسمبلی سے بھارتی وزیر اعظم نریندرمودی کے خطاب کے خطاب آج اسلام آباد میں اقوام متحدہ کے دفتر کے سامنے کل جماعتی حریت کانفرنس کی آزادکشمیر شاخ کے زیر اہتمام ایک احتجاجی مظاہرہ ہوا۔
کشمیرمیڈیا سروس کے مطابق احتجاجی مظاہرے کی قیادت کل جماعتی حریت کانفرنس کی آزادکشمیر شاخ کے کنوینر محمد فاروق رحمانی نے کی ۔ حریت رہنماﺅں نے مظاہرین سے خطاب کرتے ہوئے کہاکہ بھارتی وزیراعظم کا جنرل اسمبلی سے خطاب کوئی معنی نہیں رکھتا۔ انہوں نے کہاکہ بھارت نہتے کشمیریوں کے خلاف طاقت کا وحشیانہ استعمال کررہاہے اور بھارتی بربریت کے نتیجے میں اب تک ایک لاکھ سے زائد بے گناہ کشمیری شہید اورلاکھوں زخمی ہوچکے ہیں۔ مقررین نے افسوس کا اظہارکیاکہ بھارت تمام اخلاقی ، انسانی اور قانونی اقدار کو روندتے ہوئے مقبوضہ جموںوکشمیر میں گولیوں اورپیلٹ گنز کا بے دریغ استعمال کررہا ہے جس کے نتیجے میں سینکڑوں افراد بصارت سے محروم ہوچکے ہیں ۔ حریت رہنماﺅں نے کہاکہ ہزاروں کشمیریوں کو کالے قوانین کے تحت گرفتارکیاگیا ہے۔ انہوں نے کہاکہ بھارت نے مقبوضہ جموںوکشمیر میں اپنی فوج کو نہ صرف انسانی حقوق کی پامالیوں کی کھلی چھوٹ دے رکھی ہے بلکہ کالے قوانین کے نفاذ کے ذرےعے ان کے جرائم کو تحفظ بھی فراہم کررہا ہے۔ حریت رہنماﺅں نے کہاکہ اس صورتحال میں بھارتی وزیر اعظم نریندر مودی کا جنرل اسمبلی سے خطاب کا کوئی جواز نہیں ہے ۔ انہوں نے کہاکہ کشمیر نہ ہی بھارت کا اٹوٹ انگ ہے اور نہ کوئی سرحدی تنازعہ بلکہ یہ ایک کروڑ سے زائد کشمیریوں کی موت اور زندگی کا مسئلہ ہے۔ انہوں نے کہاکہ مقبوضہ جموںوکشمیر میں بھارت کی طرف سے بے پناہ فوجی جماﺅاور فوج کو حاصل لامحدود اختیارات کی موجودگی میں خطے میں امن کی توقع رکھنا صرف دیوانے کا خواب ثابت ہوسکتا ہے۔ انہوں نے کہاکہ تنازعہ کشمیر خطے کے دائمی امن کے لئے اس وقت تک خطرہ بنا رہے گا جب تک اس کو پائیدار ، منصفانہ اور کشمیری عوام کی خواہشات کے مطابق حل نہیں کیا جاتا۔ حریت رہنماﺅں نے اقوام متحدہ کے سیکریٹری جنرل کے نام ایک یادداشت بھی پیش کی۔
دریں اثناءاقوام متحدہ کی جنرل اسمبلی سے بھارتی وزیراعظم نریندرا مودی کے خطاب کے خلاف فرینڈزآف کشمیرانٹر نیشنل کے زیر اہتمام بھی اسلام آبادمیں بھارتی ہائی کمیشن کے سامنے ایک احتجاجی مظاہرہ ہواجس کی قیادت حریت رہنماﺅںعبدالحمید لون اور عبدالمجید میر نے کی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: