جموںمقبوضہ جموں و کشمیر
ادھمپور : دھماکے میں 2 شہری زخمی، کئی گاڑیوں کو نقصان پہنچا
جموں 29 ستمبر (کے ایم ایس) بھارت کے غیر قانونی زیر قبضہ جموں و کشمیر کے ضلع ادھم پور میں ایک پراسرار دھماکے میں دو افراد زخمی ہوگئے اور متعدد گاڑیوں کو نقصان پہنچاہے۔
کشمیرمیڈیاسروس کے مطابق پولیس حکام نے بتایا کہ دھماکہ گزشتہ رات ایک بس کے اندر ہوا جس کے نتیجے میں دو افراد زخمی ہو گئے۔
ان کا کہنا تھا کہ زخمیوں کو قریبی اسپتال منتقل کیا گیا جبکہ پولیس نے معاملے کی تحقیقات شروع کر دی ہیں۔
حکام نے بتایا کہ دھماکے سے بس کی چھت اور قریبی گاڑیوں کی کھڑکیوں کو بھی نقصان پہنچا۔انہوں نے مزید کہا کہ دھماکے کے بعد بھارتی فوجیوں پولیس اورپولیس اہلکاروں نے علاقے کو گھیرے میں لے لیا اور علاقے میں سیکورٹی بڑھا دی گئی ۔
