مقبوضہ جموں و کشمیر
بھارتی تحقیقاتی ادارے کے سب انسپکٹر بھرتی کیس کے سلسلے میں مختلف مقامات پر چھاپے
نئی دہلی08نومبر(کے ایم ایس)بھارتی تحقیقاتی ادارے سینٹرل بیورو آف انویسٹی گیشن (سی بی آئی)نے پولیس سب انسپکٹر بھرتی کیس کے سلسلے میں آج مقبوضہ جموں وکشمیراوربھارتی ریاستوں ہریانہ اور پنجاب کے مختلف مقامات پر چھاپے مارے۔
سی بی آئی نے ایک بیان میں کہا کہ اس نے جموں میں سب انسپکٹروں کی بھرتی سے متعلق دھوکہ دہی کے ایک کیس کی تحقیقات کے دوران ہریانہ کے علاقوںریواڑی اور کرنال، بھارتی پنجاب کے علاقے پٹھان کوٹ اورجموں سمیت 07مقامات پر چھاپے مارے اورتلاشیاں لیں۔ ۔اس کیس کے سلسلے میں بھارتی بارڈر سیکورٹی فورس کے ایک کمانڈنٹ، ایک پولیس افسر، دو کانسٹیبلوں، ایک سی آر پی ایف اہلکار اور ایک سابق سی آر پی ایف اہلکار سمیت تیرہ افراد کو پہلے ہی گرفتار کیا جا چکا ہے۔
