مقبوضہ جموں و کشمیر
بھارت:گجرات میں اپنے ہی ساتھی کی فائرنگ سے دو بھارتی فوجی ہلاک، دو زخمی
پوربندر27نومبر(کے ایم ایس) بھارتی ریاست گجرات میں پیراملٹری انڈین ریزرو بٹالین (IRB)کے ایک اہلکارنے اپنے ہی ساتھیوں پر فائرنگ کرکے دو اہلکاروں کو قتل اور دوکو زخمی کردیاہے۔
دونوں بھارتی پیراملٹری اہلکار ریاست کے شہر پوربندر سے تقریبا 25کلومیٹر دور ایک گائوں تکڈا گوسا میں ایک سائیکلون سینٹرپر تعینات تھے۔ فوجی اہلکار نے ہفتے کی شام کسی نامعلوم مسئلے پر اپنے ساتھیوں پر گولیاں چلائیں جس سے دو اہلکار موقع پر ہی ہلاک اور دو زخمی ہو گئے۔
