مقبوضہ جموں و کشمیر
بھارت: فلم ”پٹھان “ کی مخالفت، بجرنگ دل کا احمد آباد میں ہنگامہ
گجرات05 جنوری (کے ایم ایس)بھارت میں ہندو انتہا پسند فلم سٹار شاہ رخ خان کی نئی فلم ”پٹھان“ پر سخت آگ بگولہ ہیں۔ بجرنگ دل اور وشوا ہندو پریشد کے کارکنوں نے گجرات کے شہر احمد آبادکے علاقے دستاپور کے الفاون مال میں لگے شاہ رخ خان اور فلم میں شامل دیگر سٹار کاسٹ کی تصاویر کی توڑ پھوڑ کی ۔
کشمیر میڈیاسروس کے مطابق احتجاجی ہندوﺅں کا کہنا تھا کہ اگر یہ فلم ریلیز کی گئی تو سخت احتجاج کیا جائے گا۔ انہوں نے مال میں شدید ہنگامہ کیا جس کے باعث وہاں موجود لوگ سخت خوفزہ ہو گئے۔
قبل ازیں اتر پردیش ، بہار، مدھیہ پردیش سمیت کئی ریاستوں میں بھی فلم کےخلاف احتجاجی مظاہرے کیے گئے۔احتجاجیوں نے شاہ رخ اور دیپکا پڈکوںکے پتلے بھی چلائے ۔ہندﺅں کو فلم کے گانے ’بے شرم رنگ“میں بھگوا لباس کے استعمال پر سخت اعتراض ہے۔ یہ فلم 25جنوری کو ریلیز ہو گی۔
