جموں 14 جنوری (کے ایم ایس) غیر قانونی طور پر بھارت کے زیر قبضہ جموں و کشمیر میں ضلع راجوری کی تحصیل تریتھ میں قابض انتظامیہ کے خلاف احتجاجی مظاہرے کے دوران لوگوں نے پاکستان کے حق میں نعرے لگائے۔
کشمیرمیڈیا سروس کے مطابق قابض حکام کا کہنا ہے کہ یہ نعرے نیشنل کانفرنس کے کارکنوں نے لگائے ۔ قابض حکام نے متعلقہ پولیس سپرانٹنڈنٹ سے کہا ہے کہ اگر ملزم سات دن کے اندر اندرخود پیش نہ ہوئے تو ان کے خلاف قانونی کارروائی شروع کی جائے۔پولیس نے ایک بیان میں بتایا کہ وہ جلد ہی کارروائی شروع کریں گے۔یہ بات قابل ذکر ہے کہ جموں خطہ خاص طورپرضلع راجوری آج کل قابض بھارتی فورسز کے نشانے پر ہے جہاںحق خودارادیت کا مطالبہ کرنے پر مسلمانوں پر وحشیانہ مظالم ڈھائے جارہے ہیں۔بھارتی فورسز کی بھاری تعداد میں موجودگی اورمحاصرے اورتلاشی کی ظالمانہ کارروائیوںکے باوجود پاکستان کے حق میں نعرے لگانا پاکستان کے ساتھ کشمیریوں کی والہانہ محبت کوظاہر کرتا ہے۔
