مقبوضہ جموں و کشمیر
مقبوضہ کشمیر :حریت رہنما ظہور احمدبٹ گرفتار، کالے قانون ”پی ایس اے “کے تحت مقدمہ درج
سرینگر 21 جنوری (کے ایم ایس) بھارت کے غیر قانونی زیر قبضہ جموں و کشمیر میں بھارتی پولیس نے حریت رہنما ظہور احمد بٹ کو گرفتار کر لیا ہے۔
پولیس نے تحریک آزاد ی کے معروف شہیدرہنما محمد مقبول بٹ کے چھوٹے بھائی ظہور احمد بٹ کو ضلع کپواڑہ میں ان کی رہائش گاہ سے گرفتار کیا۔
قابض حکام نے گرفتار رہنما کے خلاف کالے قانون پبلک سیفٹی ایکٹ (پی ایس اے) کے تحت مقدمہ درج کرنے کے بعد انہیں جموں خطے کی بھدرواہ جیل منتقل کر دیا۔
ظہور بٹ کو آٹھ ماہ قبل ساڑھے چار برس کی غیر قانونی حراست سے رہا کیا گیا تھا۔
یاد رہے کہ بھارت نے محمد مقبول بٹ کو کشمیریوں کی تحریک آزادی میں اہم کردار ادا کرنے پر 11 فروری 1984 کو نئی دہلی کی تہاڑ جیل میں پھانسی دی تھی۔ انہیں جیل کے احاطے میں سپرد خاک کیا گیاتھا۔
