(کشمیر میڈیا سروس)
سرینگر16 فروری (کے ایم ایس)
متعدد بین الاقوامی میڈیا تنظیموں نے غیر قانونی طور پر نظر بند معروف کشمیری صحافی فہد شاہ کی رہائی کا مطالبہ کیا ہے، جنہیں غیر قانونی طور پر بھارت کے زیر قبضہ جموں و کشمیر کے عوام کے حق میں آواز بلند کرنے پر انتقامی کارروائی کا نشانہ بنایاگیا ہے ۔
کشمیرمیڈیاسروس کے مطابق مقبوضہ کشمیرمیںپولیس نے فہد شاہ کو گزشتہ سال 4فروری کو پوچھ گچھ کے لیے پلوامہ کے ایک پولیس اسٹیشن طلب کرنے کے بعد گرفتار کیا تھا۔ انہیںجعلی مقابلوں کے بارے میں متاثرہ خاندانوں کا موقف شائع کرنے کے بعد گرفتار کیاگیا تھا جو قابض انتظامیہ کے موقف کے متضاد تھا۔فہد شاہ اس وقت جموں کی کوٹ بھلوال جیل میں قیدہیں۔میڈیا تنظیموں نے فہد شاہ کی نظربندی پر سرینگر میں جاری ایک مشترکہ بیان میں کہا کہ آن لائن نیوز پورٹل کشمیر والا کے ایڈیٹر اور بین الاقوامی شہرت یافتہ صحافی فہد شاہ کی نظربندی کو 4فروری کوایک سال کا عرصہ مکمل ہو گیا ہے ۔نیوز پورٹل کشمیر والاکشمیریوںکو درپیش روزمرہ کی مشکلات کے علاوہ غیر منصفانہ قوانین کے خلاف بارے میں آواز اٹھاتا ہے ۔کشمیر والا کے ایڈیٹر کی حیثیت سے فہد شاہ نے اپنے کام کی بھاری قیمت ادا کی ہے۔ اگرچہ انہیں متعد د بار ضمانت دی گئی تاہم انہیں رہائی کے فورا بعد دوبارہ گرفتار کیاجاتا رہا۔بیان میں مزید کہاگیا ہے کہ فہد شاہ غیر قانونی سرگرمیوں کی روک تھام کے کالے قانون یو اے پی اے کے تحت جموں کی جیل میں مسلسل قید ہیں۔بیان میں مزید کہاگیا ہے کہ فہد شاہ کی رہائی مقبوضہ کشمیر میں آزادی صحافت کے لیے انتہائی اہم ہے۔یہ بیان کرسچن سائنس مانیٹر کے ایڈیٹر مارک سیپن فیلڈ، فارن پالیسی کے چیف ایڈیٹر روی اگروال، نیوز اینڈ ڈاکومینٹری آف انسائیڈر کی ایگزیکٹو پروڈیوسر ایریکا بیرنسٹین، جنوبی چین کے مارننگ پوسٹ کے ایڈیٹر لانگریڈزڈیو بیسلنگ ، دی نیشن کے ایڈیٹر ڈی ڈی گٹن پلان ، فارن افیئرز کے ایڈیٹر ڈینیل کرٹز، پر پلٹزر سینٹر کے کرائسز رپورٹنگ کے سینئر ایڈیٹر بویونگ لم اور دی گارڈین کے چیف ایڈیٹر کیتھرین وینرنے مشترکہ طور پر جاری کیا ہے۔
تازہ ترین
- بھارت میں اقلیتوں کے حقوق کی تشویشناک حد تک خلاف ورزیاں جاری ہیں
- مقبوضہ کشمیر:پولیس کا ڈپٹی سپرنٹنڈنٹ سرینگر سے گرفتار
- نریندر مودی خطے میں دہشت گردی میں ملوث ہے ،مشعال ملک
- کینیڈا ،انڈیا سفارتی تنازعہ شدت اختیار کرگیا، بھارت نے کینیڈا کیلئے ویزا سروسز تاحکم ثانی معطل کردیں
- محمود ساغر کا ترک صدر کے نام خط ،جنرل اسمبلی میں مسئلہ کشمیر اجاگر کرنے پر شکریہ ادا کیا
- کینیڈا نے بھارت کی سفری ہدایات کو مسترد کردیا
- کینیڈا میں خالصتان تحریک کا ایک اور لیڈر سکھدول سنگھ قتل
- صدر بائیڈن سکھ لیڈر کے قتل میں بھارت کے ملوث ہونے کے الزامات کو سنجیدگی سے دیکھ رہے ہیں ، جان کربی
- ہردیپ سنگھ نجار کے قتل کے بعد کینیڈا میں سکھ اور دیگرامیگرینٹ کمیونٹیز خود کو غیر محفوظ سمجھتی ہیں، جگمیت سنگھ
- تنازعہ کشمیر جنوبی ایشیائی خطے کے امن و استحکام کو درپیش اہم ترین چیلنج ہے ، سعودی وزیر خارجہ