مقبوضہ جموں و کشمیر
سری نگر جموں شاہراہ لینڈ سلائینڈنگ کے باعث ٹریفک کیلئے بند
سری نگر25 مارچ (کے ایم ایس)بھارت کے غیر قانونی زیر قبضہ جموں و کشمیر میں وادی کشمیر کو بیرونی دنیا سے ملانے والی واحدسرینگر جموں شاہراہ لینڈ سلائیڈنگ کے باعث ٹریفک کے لیے بند کر دی گئی ہے۔
حکام نے بتایا کہ جموں ریجن میں ضلع رام بن کے علاقوں کیفے ٹیریا موڑ، میہڑ، شلگڈی شیربیبی میں شاہراہ بلاک ہو گئی ہے۔
سرینگر جموں شاہراہ کے ذریعے ہی تمام بنیادی اشیائے ضروریہ وادی میں پہنچتی ہیں ۔ شاہراہ کی بندش کیوجہ سے وادی کشمیرمیں لوگوں کو شدید مشکلات کا سامنا کرنا پڑتا ہے ۔ بنیادی اشیائے ضروریہ کی قلت ہو جاتی ہے اور قیمتیں آسمان کو چھونے لگتی ہیں۔
