اتر پردیش: پاکستان کے حق میں نعرے لگانے پر تین افراد گرفتار


لکھنو بھارت21 اکتوبر (کے ایم ایس)
بھارتی ریاست اتر پردیش کے شہر نوئیڈا میں نکالے جانے والے ایک مذہبی جلوس کے دوران پاکستان کے حق میںنعرے لگانے کے الزام میں تین افراد کو گرفتار کر لیا گیا ہے۔
اس واقعے کی ویڈیو سوشل میڈیا پر وائرل ہونے کے بعد گرفتاریاں کی گئیں ۔عید میلاد النبی کے موقع پر منگل کو علاقے میں جلوس نکالا گیا تھا۔نوئیڈا کے ڈی سی پی راجیش ایس نے بتایا کہ ہم نے اس معاملے میں تین لوگوں کو گرفتار کیا ہے اور ساتھ ہی ویڈیو کی تفتیش بھی کی ہے ۔ انہوںنے کہا کہ ایسا لگتا ہے کہ کسی نے ہندوستان زندہ باد کے نعروں کے بیچ پاکستان بول دیا جس کی وجہ سے ہجوم نے بھی زندہ باد کہا۔ تجزیہ نگاروںکا خیال ہے کہ مسلمانوں کے اجتماعات میں اس قسم کی کارروائیاں ہندو انتہا پسند تنظیموں کے کارکن کرتے ہیں جس کا مقصد مسلمانوں کو مشکلات میں ڈالنا اور انہیں گرفتار کروانا ہوتا ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: