(کشمیر میڈیا سروس)
سرینگر23 اگست (کے ایم ایس)کل جماعتی حریت کانفرنس کے رہنماوں نے تحریک وحدت اسلامی کے سرپرست نثار حسین راتھر کے انتقال پر گہرے دکھ اور افسوس کا اظہار کیا ہے۔
کشمیر میڈیا سروس کے مطابق نثار حسین راتھرکا انتقال گزشتہ روز سرینگر میں ہوا۔
کل جماعتی حریت کانفرنس کے رہنماو¿ں غلام احمد گلزار، فریدہ بہن جی اور Muhammad Hizafنے اپنے بیانات میں مرحوم رہنما کو زبردست خراج عقیدت پیش کرتے ہوئے کہا کہ انہوں نے اپنی پوری زندگی کشمیریوں کے حق خودارادیت کے لیے جاری جدوجہد کے لیے وقف کردی تھی۔ انہوں نے نثار حسین راٹھڑ کی وفات کو تحریک آزادی کشمیر کے لیے بہت بڑا نقصان قرار دیا۔
انہوں نے کہا کہ نثار حسین راتھرکو جموں و کشمیر پر بھارتی قبضے کے خلاف مزاحمت کرنے پر جیل میں ڈالا گیا، تشدد کا نشانہ بنایا گیا اور ہراساں کیا گیا لیکن انہوں نے تمام تر مشکلات کو بڑے حوصلے سے برداشت کیا اور اپنی آخری سانس تک ثابت قدم رہے۔ انہوں نے کہا کہ نثار حسین راتھر نے کل جماعتی حریت کانفرنس کے رہنما کی حیثیت سے کشمیر کاز کے فروغ اور مقبوضہ جموںوکشمیر میں فرقہ وارانہ اتحاد کو فروغ دینے کے لئے ایک فعال اور اہم کردار ادا کیا۔کل جماعتی حریت کانفرنس نے کہا کہ کشمیر کاز کیلئے نثار حسین راتھر کی قربانیوں اور خدمات کو ہمیشہ یاد رکھا جائے گا۔انہوں نے مرحوم کے درجات کی بلندی اور لواحقین کیلئے صبر جمیل کی دعا کی۔کل جماعتی حریت کانفرنس کے کئی رہنماﺅں نے سرینگر میں مرحوم رہنما کی رہائش گاہ پر جاکر غمزدہ لواحقین کے ساتھ اظہار یکجہتی اور ہمدردی کیا۔دریں اثنا فریدہ بہن جی نے اپنے بیان میں کل جماعتی حریت کانفرنس آزاد جموںوکشمیر شاخ کے رہنماﺅں مشتاق احمد وانی اور ڈاکٹر عبدالاعلیٰ کو بھی وفات کی برسیوں پر شاندار خراج عقیدت پیش کیا ہے۔ انہوںنے کہا کہ مرحوم رہنما ںکا تحریک آزادی میں ان تھک کردار ہمیشہ یاد رکھا جائے گا۔
ادھرکل جماعتی حریت کانفرنس کے سینئر رہنما آغا سید حسن الموسوی الصفوی اورجموں و کشمیر عوامی ایکشن کمیٹی نے اپنے ایک بیانات میں مشہور مذہبی شخصیت اور درگاہ مخدوم صاحب کے متولی علی محمد مخدومی کے انتقال پر تعزیت کا اظہار کیا ہے۔
انہوں نے کہا کہ انکے انتقال سے مقبوضہ کشمیر ایک بلند پایہ شخصیت سے محروم ہو گیا ہے۔ انہوںنے کہا کہ مرحوم ایک متقی انسان تھے جن کی رہنمائی نے بے شمار زندگیوں پر انمٹ نقوش چھوڑے ہیں۔ انہوں نے مرحوم کی روح کے ایصال ثواب کے لیے دعا کی اور سوگوار خاندان سے ہمدردی کا اظہار کیا۔
تازہ ترین
- برسلز: عالمی برادری مسئلہ کشمیرکے حوالے سے اپنی ذمہ داریاں پوری کرے: مقررین سیمینار
- سوشل میڈیاپوسٹ کرنے پر پانچ کشمیریوں کے خلاف مقدمات درج
- بھارت :تلنگانہ میں مسلمان رکن اسمبلی کو عبوری سپیکر مقررکرنے پر بی جے پی ارکان کا حلف اٹھانے سے انکار
- بھارتی سپریم کورٹ کافیصلہ واضح ہونا چاہیے کہ5اگست 2019 کے اقدامات غیر قانونی، غیر آئینی تھے : محبوبہ مفتی
- بھارت میں مسلمانوں کے خلاف این آئی اے کا کریک ڈائون،15گرفتار
- بھارتی فوجیوں کا کریک ڈاون جاری، 3 کشمیری نوجوان گرفتارکر لیے
- اقوام متحدہ کشمیریوں کی حالت زار، مقبوضہ جموں وکشمیرکی سنگین صورتحال کا نوٹس لے: محمود ساغر
- بھارتی سپریم کورٹ اپنے فیصلوں میں آزاد نہیں بلکہ مودی حکومت کے تابع ہے، بہل
- مودی حکومت انسانی حقوق کے عالمی اعلامیے کی مسلسل پامالی کر رہی ہے، مقررین
- مودی حکومت کشمیریوں کے حقوق چھیننے کے لیے عدلیہ کو ایک آلے کے طور پر استعمال کر رہی ہے
