بھارت
بھارتی سپریم کورٹ نے عمر خالد کی درخواست ضمانت پر سماعت 4ہفتوں کیلئے ملتوی کر دی
نئی دلی 13ستمبر(کے ایم ایس)بھارتی سپریم کورٹ نے نئی دلی کی جواہر لال نہرو یونیورسٹی کے سابق طالب علم عمر خالد کی درخواست ضمانت پر سماعت چار ہفتوں کیلئے ملتوی کر دی ہے۔
کشمیر میڈیاسروس کے مطابق عمر خالد کو فروری2020کو شمال مشرقی دلی میں پیش آنے والے مسلم کش فسادات کے سلسلے میں غیر قانونی سرگرمیوں کی روک تھام کے کالے قانون ’یو اے پی اے “ کے تحت قید کیا گیا ہے ۔ انہوںنے سپریم کورٹ میں درخواست ضمانت دائر کررکھی ہے جس پر منگل کے روز سماعت چار ہفتوں کیلئے ملتوی کر دی گئی۔جسٹس انیر و دھابوس اور بیلاایم ترویدی کی دو رکنی بنچ نے کہا کہ اس معاملے کی تفصیلی سماعت کی ضرور ت ہے ۔ سپریم کورٹ کے جج جسٹس پرشانت کمار مشرا نے 9اگست کو عمر خالد کی عرضی کی سماعت سے خود کو الگ کر لیا تھا۔ قبل ازیں دہلی ہائیکورٹ عمر خالد کی درخواست ضمانت مسرد کر چکی ہے۔
