(کشمیر میڈیا سروس)
برسلز:
کشمیر کونسل ای یو کے چیئرمین علی رضا سید نے کینیڈین شہری اور خالصتان تحریک کے رہنماء ہردیپ سنگھ نجار کے قتل میں بھارتی حکومت کے ملوث ہونے کی آزادانہ بین الاقوامی تحقیقات کامطالبہ کیا ہے۔
علی رضا سید نے برسلز سے جاری ایک بیان میں کہا ہے کہ کینیڈا کی سر زمین پر ایک کینیڈین شہری کے قتل میں بھارت کا ملوث ہونا کینیڈا کی خودمختاری کی سنگین خلاف ورزی ہے اور یہ ان بنیادی اصولوں کے منافی ہے جن کے تحت آزاد، کھلے اور جمہوری معاشرے اپنا کام کرتے ہیں۔انہوں نے کہاکہ سرے کے گرو نانک سکھ گوردوارے کے صدر کے طور پر خدمات انجام دینے والے ہردیپ سنگھ کے بہیمانہ قتل نے دیگر ممالک میں مقیم سکھوں سمیت بھارتی اقلیتوں میں شدیدخوف و ہراس پھیلا دیا ہے۔علی رضا سید نے ہردیپ سنگھ کے قتل کا حوالہ دیتے ہوئے بھارت میں ہندوتوا نظریے پر تشویش کا اظہار کرتے ہوئے کہاکہ اس نظریے کو بھارت میں مذہبی اور نسلی اقلیتوں پر ظلم و ستم کا جواز فراہم کرنے کے لیے استعمال کیا جا رہا ہے۔انہوں نے کہا ہے کہ مودی حکومت پہلے ہی مقبوضہ کشمیر میں نہتے کشمیریوں کے ماورائے عدالت قتل میں ملوث ہے، بھارت کی مختلف ریاستوں میں اقلیتوں کے خلاف وحشیانہ کارروائیاں جاری ہیں اور بالخصوص کشمیری عرصہ دراز سے بھارتی مظالم کا شکار ہیں۔انہوں نے عالمی برادری پر زور دیا ہے کہ وہ بھارت کو اس کی انسانی حقوق کی خلاف ورزیوں کے لیے جواب دہ ٹھہرائے جس میں مقبوضہ کشمیر کے لوگوں اور مختلف بھارتی ریاستوں میں اقلیتوں کا ماورائے عدالت قتل بھی شامل ہے۔علی رضا سید نے مطالبہ کیا ہے کہ کینیڈین سکھ رہنما کے قتل میں ملوث افراد کو انصاف کے کٹہرے میں لایا جائے اور عالمی برادری بالخصوص اقوام متحدہ اس معاملے کو سنجیدگی سے لے۔چیئرمین کشمیر کونسل نے ہردیپ سنگھ کے قتل کی مذمت اور سکھ برادری کے ساتھ اپنی یکجہتی کا اظہار کرتے ہوئے کہاکہ اس معاملے کو یورپی اداروں میں اٹھایاجائے گا۔انہوں نے یہ بھی واضح کیا کہ انسانی حقوق کی خلاف ورزیوں کے بارے میں بھارت کے ساتھ مغربی دنیا کے نرم رویے کے نتیجے میں بھارت کی مختلف ریاستوں اور مقبوضہ کشمیر میں انسانی حقوق کی خلاف ورزیوں کاسلسلہ مسلسل جاری ہے ۔
تازہ ترین
- بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی
- قابض انتظامیہ نے محبوبہ مفتی کو گھر میں نظر بند کر دیا
- دنیا مقبوضہ جموں وکشمیرکی بگڑتی ہوئی صورتحال کا نوٹس لے :شبیر شاہ
- دفعہ 370کے فیصلے سے قبل وادی کشمیر قلعے میں تبدیل
- اقوام متحدہ فلسطین ، کشمیر میں انسانی حقوق کی خلاف ورزیوں کا موثر نوٹس لے، نگران وزیر اعلیٰ سندھ
- پاکستان کا کشمیریوں ،فلسطینیوں کی دلیرانہ جدوجہد کی حمایت جاری رکھنے کے عزم کا اعادہ
- کشمیر ، فلسطین تنازعہ حل کیے بغیر دنیا میں امن قائم نہیں ہوسکتا، مقررین
- فسطائی مودی حکومت بھارت میں اقلیتوں کے حقوق کی سنگین خلاف ورزی کر رہی ہے: ماہرین
- دفعہ370کے حوالے سے بھارتی سپریم کورٹ کے فیصلے سے قبل مقبوضہ جموں وکشمیرمیں سکیورٹی مزید سخت
- دنیا کشمیریوں کی حالت زار کا نوٹس لے : کل جماعتی حریت کانفرنس آزادکشمیر شاخ
