مقبوضہ جموں و کشمیر
کپواڑہ سڑک حادثے میں چار افرادجاں بحق، 10زخمی
سرینگر: غیر قانونی طور پر بھارت کے زیر قبضہ جموں و کشمیر کے ضلع کپواڑہ میں آج ایک سڑک حادثے میں کم از کم چار افراد جاں بحق اور 10زخمی ہوگئے۔
ایک سرکاری عہدیدارنے بتایا کہ ضلع کے علاقے کرناہ میں نواگبرا کے مقام پر ایک گاڑی سڑک سے پھسل کر گہری کھائی میں جا گری جس کے نتیجے میں چار افراد جاں بحق ہو گئے۔ان کا کہنا تھا کہ اس واقعے میں گاڑی میں سوار 10دیگر افراد زخمی بھی ہوئے۔ عہدیدار نے بتایا کہ زخمیوں کو ٹنگڈار کے ایک ہسپتال میں داخل کیاگیا ہے۔
