نئی دلی : وزیر داخلہ امیت شاہ کے قافلے سے تیز رفتار کار ٹکر ا گئی
نئی دہلی:نئی دہلی میں ایک تیز رفتار کار وزیر داخلہ امیت شاہ کے قافلے سے ٹکرا گئی ہے۔ واقعے میں بھارتی پیرا ملٹری سینٹرل ریزرو پولیس فور س کا ایک اہلکار شدید زخمی ہو ا ہے۔
کشمیرمیڈیاسروس کے مطابق یہ واقعہ گزشتہ ہفتے پیش آیا ہے ۔ ٹائمز آف انڈیا نے اپنی ایک رپورٹ میں لکھا کہ تیز رفتار کار نے امیت شاہ کے قافلے میں موجود سیکورٹی کی ایک گاڑی کو ٹکر مار دی جسکے نتیجے میں 33سالہ سی آر پی ایف کانسٹیبل کاشی سنگھ بری طرح زخمی ہو ا۔ پولیس نے کار ڈرائیور کو فوری طور پر گرفتار کر لیا جس کی شناخت ریاست ہریانہ کے گڑ گاﺅں کے رہائشی 42سالہ انوراگ ڈونگ کے طور پر ہوئی ہے۔
بھارتی ذرائع ابلاغ نے لکھا ہے کہ وزیر داخلہ کے قافلے سے تیز رفتار کار کا ٹکرا جانا ایک انتہائی غیر معمولی واقعہ ہے جس نے بڑے پیمانے پر قیاس آرائیوں کو جنم دیا ہے کہ آیا یہ محض ریش ڈرائیونگ کا معاملہ تھا یا اس کے پیچھے کوئی اور مقصد تھا
