مقبوضہ جموں و کشمیر
سری نگرلیہہ شاہراہ کی بندش: لداخ خطے کے رہائشیوں کو اشیائے ضروریہ کی قلت کا سامنا
لیہہ : بھارت کے غیر قانونی زیر قبضہ جموں وکشمیر میں سری نگرلیہہ شاہراہ کی بندش کی وجہ سے لداخ خطے میں اشیائے ضروریہ کی قلت پیدا ہوگئی ہے۔
کشمیرمیڈیاسروس کے مطابق لداخ بدھسٹ ایسوسی ایشن (ایل بی اے) کے رہنما ڈاکٹر ایشے نمگیال نے کہا کہ شاہراہ بند ہونے کی وجہ سے ضروری دودھ، سبزیاں، مکھن سمیت بنیادی اشیائے ضروریہ کی قلت پیدا ہوگئی ہے۔
انہوں نے کہا کہ بنیادی اشیائے ضروریہ کی قلت کے باعث نہ صرف مقامی لوگ بلکہ سیاح بھی سخت مشکلات کا شکار ہو گئے ہیں۔
