بھارت
دہلی :بارش نے تباہی مچا دی ،ائر پورٹ کی چھت اڑانے سے ایک شخص ہلاک ، متعددزخمی
نئی دہلی: بھارتی دالحکومت نئی دلی میں موسلا دار بارش نے تباہی مچا دی ہے۔ اندرا گاندھی انٹرنیشنل ائر پورٹ کی چھت کا ایک حصہ تیز بارش کے باعث اڑ جانے کے سبب ایک شخص ہلاک جبکہ چار دیگر زخمی ہو گئے۔
کشمیر میڈیا سروس کے مطابق یہ واقعہ آج صبح سویرے ایئرپورٹ کے ٹرمینل 1 پر پیش آیا۔
بھارتی شہری ہوا بازی کی وزارت نے ٹرمینل 1 سے اڑنے والی تمام پروازیں اگلے نوٹس تک معطل کر دی ہیں۔ حکام فلائٹ آپریشن کو آسان بنانے کے لیے متبادل انتظامات کر رہے ہیں۔
شہر بھر میں بڑے پیمانے پر پانی جمع ہو گیا اور ٹریفک کی آمد ورفت شدید متاثرہوئی۔ گاڑیاں پانی میں پھنس گئیں۔ نشیبی علاقوں میں سیلابی صورتحال پیدا ہوئی ، بعض علاقوں میں پانی گھروں میں بھی داخل ہوا ۔KMS
