مقبوضہ جموں و کشمیر
بھارتی فورسز نے سوپور میں ایک نوجوان گرفتارکرلیا
سرینگریکم :غیر قانونی طور پر بھارت کے زیر قبضہ جموں و کشمیر میں بھارتی فورسز نے ضلع بارہمولہ کے علاقے سوپور میں ایک نوجوان کو گرفتارکرلیا۔
کشمیرمیڈیاسروس کے مطابق بھارتی فوج ،پولیس اور پیراملٹری سینٹرل ریزرو پولیس فورس کے اہلکاروں نے سوپور کے علاقے بومئی سے مچی پورہ کی طرف جانے والی ایک گاڑی کو روک کر اس میں سوار ایک نوجوان کو گرفتارکرلیا ۔ گرفتارنوجوا ن کی شناخت رفیع آباد سے تعلق رکھنے والے عبدالوحید کے نام سے ہوئی ہے۔ بھارتی فورسز نے نوجوان کی گرفتاری کا جواز پیش کرنے کے لئے اسے مجاہد ین کا ساتھی قراردیا۔
