مقبوضہ جموں و کشمیر
مقبوضہ جموں وکشمیر میں دس مکانات، آٹھ دکانیں جل کر خاکستر
سرینگر: غیر قانونی طور پر بھارت کے زیر قبضہ جموں و کشمیر کے ضلع اسلام آباد میں آتشزدگی کے ایک واقعے میں دس رہائشی مکانات اور آٹھ دکانیں جل کر خاکستر ہوگئیں۔
کشمیر میڈیا سروس کے مطابق پولیس نے بتایا کہ آگ گزشتہ رات ایک رہائشی مکان میں نمودارہوئی اور تیزی سے قریبی گھروں تک پھیل گئی جس سے دس مکانات کو شدید نقصان پہنچا۔ انہوں نے بتایا کہ اس واقعے میں آٹھ دکانیں بھی جل کرخاکسترہوگئیں۔ان کا کہنا تھا کہ آگ لگنے کی وجہ معلوم کی جارہی ہے۔
