مقبوضہ جموں و کشمیر
ہندواڑہ: آتشزدگی کے باعث کئی دکانیں، سوشل ویلفیئر دفتر خاکستر
سری نگر:بھارت کے غیر قانونی زیر قبضہ جموں و کشمیر میں ضلع کپواڑہ کے علاقے ہندواڑہ میں آتشزدگی کے ایک ہولناک واقعے میں کئی دکانیں اور ایک سوشل ویلفیئر دفتر خاکستر ہو گیا۔
کشمیر میڈیا سروس کے مطابق آتشزدگی کے باعث لاکھوں روپے مالیت کا سامنا تباہ ہوا۔ آگ لگنے کی وجہ تاحال معلوم نہ ہوسکی۔ تاہم حکام نے آگ کی وجہ کا تعین کرنے کے تحقیقات شروع کر دی ہیں۔
یاد رہے کہ مقبوضہ جموںوکشمیر میں آتشزدگی کے واقعات تواتر سے پیش آرہے ہیں ۔ لوگ آگ لگنے اور لاکھوں روپے مالیت کی املاک کو نقصان پہنچنے کے بڑھتے ہوئے واقعات کو کشمیری عوام کی معیشت کو نقصان پہنچانے کی ایک منصوبہ بند بھارتی سازش کا حصہ سمجھتے ہیں۔
