مقبوضہ جموں و کشمیر
امرتسر : ایک خاتون کی گردوارہ دربار صاحب میں خودکشی
چنڈی گڑھ:
بھارتی ریاست پنجاب کے شہر امرتسر کے ایک گردوارے میں ایک خاتون نے خودکشی کر لی ہے ۔
کشمیرمیڈیاسروس کے مطابق امرتسر میں سکھوں کے گردوارے دربار صاحب میں ایک 25سالہ جوان خاتون نے ساتویں منزل سے چھلانگ لگا کر خودکشی کی ہے۔واقعے کی اطلاع ملنے ہی پولیس نے موقع پر پہنچ کر خاتون کی لاش کو تحویل میں لے لیا۔ لاش کو امرتسر کے ہسپتال منتقل کیاگیا ہے۔گردوارہ دربار صاحب کے منیجر وکرم سنگھ نے میڈیا کو بتایاہے کہ خاتون آج صبح ماتھا ٹیکنے کیلئے گردوارے آئی تھی ۔ تاہم کمپلیکس میں واقع گرودوارہ بابا اٹل رائے جی کی ساتویں منزل پر چڑھ گئی اوروہاں چھلانگ لگا کر خودکشی کر لی ۔پولیس واقعے کی سی سی ٹی وی کیمروں کی فوٹیج کے ذریعے تحقیقات کر رہی ہے ۔
