منی پور میں نامعلوم مسلح افراد کی فائرنگ سے 4 افراد ہلاک
اوڈیشہ میں بھارتی فورسز نے دو قبائلیوں کو ہلاک کردیا
امپھال:
شورش زدہ بھارتی ریاست منی پور میں نامعلوم مسلح افراد کی فائرنگ سے ایک معمر خاتون سمیت4 افراد ہلاک ہو گئے جبکہ بھارتی فورسز نے اوڈیشہ میں محاصرے اور تلاشی کی کارروائی کے دوران دو قبائلی افراد کو قتل کردیاہے۔
کشمیر میڈیا سروس کے مطابق منی پور کے ضلع چورا چند پور کے گاںئو مونگجنگ کے قریب نامعلوم مسلحافراد نے کار میں سفر کرنے والے افراد پر فائرنگ کر کے 4کو ہلاک کردیا۔شورش زدہ ریاست میں 2023سے فرقہ وارانہ تشدد کا سلسلہ جاری ہے ۔مسلح جھڑپوں کے دوران 260سے زائد افراد ہلاک اور 59ہزارسے زائد بے گھر ہوگئے ہیں۔ریاست میں بھاری فوجیو ں کی بڑی تعداد میں موجودگی کے باوجود،پر تشددواقعات کا سلسلہ جار ہے ۔
ادرھراوڈیشہ میں بھارتی فورسز نے ضلع کندھمال کے بڈا گوڈا ریزرو فاریسٹ میں نام نہاد محاصرے اور تلاشی کی کارروائی کے دوران دو قبائلیوں کو گولی مار کر ہلاک کر دیاہے۔بھارتی پولیس نے مقتول قبائلیوں کو مائو نواز جنگجو قرار دیکر قتل کیا ہے ۔ ایک سینئر پولیس اہلکار نے قبائلیوں کی ہلاکتوں کی تصدیق کرتے ہوئے کہا کہ علاقے میں فوجی کارروائی تاحال جاری ہے ۔
