فلموں میں جنگ جیتنے کا عادی بھارت چینی فوج کیساتھ2020کی جھڑپ پر بھی فلم بنا رہا ہے
جھڑپ میں بھارتی فوج کے ایک کرنل سمیت کم از کم 20فوجی ہلاک ہو گئے تھے
دلی:
بھارت نے پاکستان کے خلاف رات کی تاریکی میں ننگی جارحیت کی اور آپریشن بنیان المرصوص کی صورت میں ایک ایسی عبرتناک شکست سے دوچار ہوا کہ مدتوں اسکے زخم چاٹتا رہے گا۔
کشمیر میڈیاسرو س کے مطابق بھارت جنگ ضرور جنگ جیتتا ہے لیکن فلموں کی حد تک جبکہ عملی اور اصل جنگ میں شکست کے سوا اسکے ہاتھ کچھ نہیں آتا۔ بھارت نے کئی پاکستان مخالف فلمیں بنائی ہیں جن میں اس نے اپنی خیالی فتح کے خو ب مزے لیے ہیں۔
اب وہ جون 2020میں لداخ میں لائن آف ایکچویل کنٹرول (ایل اے سی) پر چینی فوج کے ہاتھوں اپنی ذلت آمیز شکست پر بھی فلم بنارہا ہے ۔ پانچ برس قبل ہونے والی لداخ کی وادی گلوان میں ہونے والی اس جھڑپ میں بھارتی فوج کے ایک کرنل سمیت کم از کم 20فوجی ہلاک ہو گئے تھے ۔ بھارتی فوج زخمیوں کو پیچھے چوڑ کر بھاگ گئی تھی۔ ”Battle of Galwan“نامی فلم میں مرکزی کردار سلمان خان ادا کر رہے ہیں۔ فلم کی ہدایات اپوروا لاکھیہ دے رہے ہیں ۔
فلم کے حوالے سے ایک پوسٹر بھی جاری کیا گیا ہے جس میں سلمان کو خار دار تاروں میں لپٹی لکڑی کی چھڑی کو پکڑتے ہوئے خون میں لت پت دکھایا گیا ہے۔
_resources1_16a08521e2d_large.jpg?resize=618%2C464&ssl=1)
