مقبوضہ کشمیر:ٹرانسپورٹروں کا مودی حکومت کے اوچھے ہتھکنڈوں کے خلاف احتجاج
کشمیرمیڈیاسروس کے مطابق ٹرانسپورٹروں نے سرینگر کے پریس انکلیو میں ایک احتجاجی مظاہرہ کیا اور اپنے مطالبات کے حق میں نعرے لگائے۔ احتجاج کرنے والے ڈرائیوروں نے کہا کہ شمالی کشمیر کے مختلف حصوں سے مسافروں کو سری نگر شہر میں لے جانے والی سینکڑوں گاڑیوں کو ٹریفک پولیس نے غیر ضروری طور پر ضبط کرلیا ہے۔ٹرانسپورٹرز کا کہنا تھا کہ پولیس انہیں گاڑیوں کی ضبطی کی کوئی دستاویز نہیں دیتی اورجب ہم اپنی گاڑی کو چھڑانے کے لیے عدالت جاتے ہیں تو وہاں ضبطگی کے کاغذات طلب کیے جاتے ہیں۔
ٹرانسپورٹرز کا کہنا تھا کہ سڑکوں پر گاڑیاں چلانے کی باقاعدہ اجازت ہونے کے باوجود ان کی گاڑیاں ضبط کی گئیں اور انہیں غیر ضروری طور پر ہراساں کیا گیا۔
