بھارت
لکھنو :آرمی انکلیو کی دیوار گرنے سے 9افرادہلاک
لکھنو 16 ستمبر (کے ایم ایس)
بھارتی ریاست اترپردیش کے دارالحکومت لکھنو کے علاقے دلکوشا میں تیز بارش کے باعث ایک آرمی انکلیو کی زیر تعمیردیوار گرنے سے3بچوں سمیت کم سے کم 9افراد ہلاک ہو گئے ہیں۔
کشمیرمیڈیاسروس کے مطابق حادثے میں ہلاک ہونے والے افراد انکلیو کے ساتھ جھوپڑیوں میں رہائش پذیر تھے اور اس وقت سوئے ہوئے تھے جب دیوار ان پر گر گئی ۔ ہلاک ہونے والوں میں 3 مرد ،3 خواتین اور3 بچے شامل ہیں جبکہ دو زخمی افراد ہسپتال میں زیر علاج ہیں ۔
ادھرضلع انا میں شدید بارش کی وجہ سے ایک مکان کی چھت گرنے سے 2 بچوں سمیت 3 افراد ہلاک ہو گئے ہیں ۔
