مقبوضہ جموں و کشمیر
سرینگر: آتشزدگی کے واقعے میں کروڑوں کی املاک تباہ
سری نگر 25 ستمبر (کے ایم ایس)بھارت کے غیر قانونی زیر قبضہ جموں و کشمیر میں آج سرینگر کے علاقے صورہ میں آتشزدگی کے ایک واقعے میں کروڑوں روپے کی املاک تباہ ہوگئیں۔
آگ ایک پرائیویٹ دفتر کی عمارت میں بھرک اٹھی جس نے آنا فاناً پوری عمارت کو لپیٹ میں لے لیا۔ آتشزدگی کے اس شدید واقعے میں کروڑوں کی املاک تباہ ہو گئیں۔ عمارت مزمل احمد وار نامی شہری کی ملکیت بتائی جا رہی ہے۔
