مقبوضہ کشمیر،سوپور قصبہ میں6رہائشی مکانات جل خاکستر ہوگئے
سرینگر22اگست(کے ایم ایس)
غیر قانونی طور پر بھارت کے زیر قبضہ جموں و کشمیر کے قصبے سوپور میں آتشزدگی کے ایک واقعے میں کم سے کم6 رمکانات جل کر خاکستر ہو گئے ہیں۔
کشمیرمیڈیاسروس کے مطابق یہ واقعہ اس وقت پیش آیا جب قصبہ کے علاقے شاہ آباد میں ایک مکان میں آگ بھڑک اٹھی جس نے کچھ ہی دیر میں دیگر گھروں کو بھی اپنی لپیٹ میں لے لیا ۔آگ لگنے سے 6مکانوں کے علاوہ لاکھوں روپے کی املاک بھی جل کر خاکستر ہوگئیں۔تاہم آگ لگنے سے کسی قسم کے جانی نقصان کی کوئی اطلاع نہیں ملی ہے ۔ مقامی لوگوں نے قابض حکام سے متاثرہ خاندانوں کو مالی مدد کرنے کی اپیل کی ہے۔
واضح رہے کہ مقبوضہ علاقے میں مکانوں اور دیگر املاک کی تباہی بھارتی قابض افواج اور آر ایس ایس، بی جے پی، وی ایچ پی کے نظریات سے وابستہ ایجنٹوں کی بزدلانہ کارروائی ہے جس کا مقصد کشمیری عوام کی معیشت کو کمزور کرنا ہے۔
