بھارت
بھارتی پولیس کا خالصتان تحریک کے رہنماءامرت پال سنگھ کے گھر پر چھاپہ،اہلیہ سے تفتیش
امرتسر 22مارچ(کے ایم ایس)
بھارتی پولیس نے ریاست پنجاب میں خالصتان تحریک کے سکھ رہنما امرت پال سنگھ کے گھر پر چھاپہ مارا اور ان کی بیوی سے ان کے شوہر کی سرگرمیوں کے حوالے سے تفتیش کی۔
سینئر پولیس اہلکاروں نے بدھ کو ڈی ایس پی ہرکرشن سنگھ کی قیادت میں امرت پال سنگھ کے آبائی گائوں جلو پور کھیراتو میں انکی رہائش گاہ پر چھاپہ مارا۔پولیس نے ان کی اہلیہ سے جو کہ برطانیہ کی شہری ہیں، امرت پال سنگھ کی سرگرمیوں اور تنظیم ‘وارث پنجاب دے’ کے لیے بیرون ملک سے فنڈز اکٹھے کرنے سے متعلق تفتیش کی ۔اس سے قبل ڈی ایس پی رینک کی ایک خاتون اہلکار نے بھی امرت پال سنگھ کے گھر گئی اور ان کی اہلیہ اور خاندان کے دیگر افراد سے تفتیش کی تھی ۔اس دوران پنجاب پولیس نے ‘وارث پنجاب دے’ کے سربراہ امرت پال سنگھ کے ناقابل ضمانت وارنٹ گرفتاری جارہی کئے ہیں ۔
