مقبوضہ جموں و کشمیر
پونچھ : بھارتی پولیس اہلکار سروس رائفل سے اچانک گولی چلنے سے ہلاک
جموں:
غیر قانونی طور پر بھارت کے زیر قبضہ جموں و کشمیر کے ضلع پونچھ میں بھارتی پولیس کا ایک اہلکار اپنی سروس رائفل سے حادثاتی طورپر گولی چلنے سے ہلاک ہو گیاہے۔
کشمیرمیڈیاسروس کے مطابق پولیس اہلکار محمد آصف ڈسٹرکٹ ڈویلپمنٹ کونسل کے رکن سہیل ملک کے سیکورٹی افسر کے طورپر تعینات تھا ۔اچانک اپنی سروس رائفل سے گولی چلنے سے ہلاک ہو گیا ۔ پولیس اہلکار کی لاش کو پوسٹ مارٹم کیلئے ہسپتال منتقل کیاگیاہے۔ پولیس نے مقدمہ درج کر کے تحقیقات شروع کر دی ہیں ۔
