مقبوضہ جموں و کشمیر
بڈگام : نامعلوم مسلح افراد کے حملے میں2غیر کشمیری مزدور زخمی
سرینگر: بھارت نے غیر قانونی طور پرزیر قبضہ جموں و کشمیر کے ضلع بڈگام میں نامعلوم مسلح افراد کے حملے میں 2 غیر کشمیری مزدور زخمی ہو گئے ہیں۔
کشمیرمیڈیاسروس کے مطابق صوفیان اور عثمان نامی دو غیر کشمیری مزدورو ں کو ضلع کے علاقے مزہامہ میں نامعلوم حملہ آوروں نے گولی مار کر زخمی کیا۔ دونوں مزدور بھارتی ریاست اتر پردیش کے رہائشی ہیں۔ انہیں سرینگر کے جے وی سی ہسپتال بمنہ میں داخل کرایا گیا ہے،جہاں ان کی حالت خطرے سے باہر بتائی جاتی ہے۔بھارتی فوجیوں نے علاقے کامحاصرہ کرکے تلاشی کی کارروائی شروع کردی ہے ۔
