مقبوضہ جموں و کشمیر
نوجوان صحافی عارف قریشی آج اسلام آباد میں دل کا دورہ پڑنے سے انتقال کر گئے
اسلام آباد 11 دسمبر (کے ایم ایس)نوجوان صحافی عارف قریشی آج اسلام آباد میں دل کا دورہ پڑنے سے انتقال کر گئے۔کشمیر میڈیا سروس کے مطابق مرحوم عارف قریشی ڈپلومیٹک نیوز میگزین” دی فورٹریس“ کے چیف ایڈیٹر تھے جس کے ذریعے وہ کشمیریوں کی جدوجہد آزادی اور مقبوضہ جموں و کشمیر میںبھارتی فوجیوں کی طرف سے انسانی حقوق کی خلاف ورزیوں کو اجاگر کر رہے تھے۔مرحوم کی نماز جنازہ آج اسلام آباد کے فراش ٹائون قبرستان میں رات 8:30 ادا کی جائے گی ۔
دریں اثناءجموں و کشمیر مسلم لیگ کے قائم مقام چیئرمین عبدالاحد پرہ، حریت رہنماو¿ں شیخ عبدالمتین، عبدالمجید ملک، عبدالمجید میر، قاضی عمران، خالد شبیر، سید منظور احمد جیلانی، عزیر احمد غزالی اور دیگر نے کشمیر کاز کے لیے عارف قریشی کی خدمات کو سراہتے ہوئے انہیں زبردست خراج عقیدت پیش کیا۔
