مقبوضہ جموں و کشمیر
گاندر بل: سڑک حادثے میں 9افراد زخمی
سرینگر: بھارت کے غیر قانونی زیر قبضہ جموں وکشمیر کے ضلع گاندر بل میں ایک سڑک حادثے میں کم از کم 9افراد زخمی ہوگئے ہیں۔
کشمیر میڈیاسروس کے مطابق حادثہ ضلع کے علاقے کنگن حیان میں پیش آیا۔ سرینگر سے لداخ جانے والی ایک گاڑی سڑک پر پھسلن کے سبب ڈرائیور کے قابو سے باہر ہوکر الٹ گئی ۔ ڈرائیور سمیت تمام زخمیوںکو سب ڈسٹرکٹ ہسپتال کنگن میں داخل کیا گیا ہے ۔ حکام کا کہنا ہے کہ تمام زخمیوں کی حالت خطرے سے باہر ہے۔پولیس نے واقعے کی رپورٹ درج کر کے مزید تفتیش شروع کر دی ہے۔
