جائیداد ضبط

مقبوضہ جموں وکشمیر : مزید 2کشمیریوں کی جائیدادیں ضبط

 

سرینگر: بھارت کے غیر قانونی زیر قبضہ جموں کشمیر میں بھارتی انتظامیہ کی طرف سے کشمیریوں کے گھروں ، زمینوں اور دیگر املاک کی مختلف حیلے بہانوں سے ضبطی کا سلسلہ مسلسل جاری ہے۔ انتظامیہ نے تازہ کارروائی کے دوران ضلع اسلام آباد میں دو کشمیریوں کے گھر ضبط کر لیے۔
کشمیر میڈیاسروس کے مطابق بھارتی پولیس نے نئی دلی کے مسلط کر دہ لیفٹیننٹ گورنرمنوج سنہاکے احکامات پر ضلع کے علاقے شیشی پورہ میں عبدالرشید بٹ کا قریبا ایک کروڑ روپے مالیت کا دو منزلہ گھر جبکہ اسی ضلع کے علاقے اشمقام میں محمد یوسف نامی شہری کا تقریبا ڈیڑھ کروڑ روپے مالیت کا بھی دو منزلہ مکان ضبط کر لیا۔
پولیس نے گھروں کی ضبطی کا جواز فراہم کرنے کیلئے ان کے مالکان پر منشیات فروشی میں ملوث ہونے کا الزام عائد کیاہے۔
کشمیریوں کو گھروں ، زمینوں، دکانوں اور دیگر منقولہ اور غیر منقولہ جائیدادوں سے محروم کر نے کا مقصد انہیں اپنے ہی وطن میں اجنبی بنانا اور ضبط شدہ جائیدادیں غیر کشمیری بھارتی ہندوﺅںکو دیگر کو علاقے میں آبادی کے تناسب کو آگے بڑھانا ہے ۔

Channel | Group  | KMS on
Subscribe Telegram Join us on Telegram| Group Join us on Telegram
| Apple 

متعلقہ مواد

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button