بھارت
کرناٹک:مسلم طالبات کی حمایت میں حیدرآباد کےانوارالعلوم کالج کے طلبہ کا احتجاج
حیدرآباد 09فروری ( کے ایم ایس)
بھارتی ریاست کرناٹک کے تعلیمی اداروں میں مسلم طالبات کے حجاب پر پابندی کے خلاف اور باحجاب طالبات سے اظہاریکجہتی کیلئے حیدر آباد کے انوار العلوم کالج کے طلبہ اور طالبات نے احتجاجی مظاہرہ کیا ۔
کشمیرمیڈیاسروس کے مطابق حیدر آباد کے علاقے ملے پلی میں واقع انوارالعلوم کالج کے طلبہ اور طالبات نے بڑے پیمانے پر احتجاجی مظاہرہ کیا ۔ مظاہرین نے ہاتھوں میں سیاہ جھنڈے اور بینراٹھا رکھے تھے جن پر انگریزی میں نعرے درج تھے ”حجاب مسلم خواتین کا دستوری حق ہے اور ان سے اس حق کو کوئی چھین نہیں سکتا”۔
