مقبوضہ جموں و کشمیر
جموں میں بھارتی فوجی اہلکار کی خودکشی
سرینگر17فروری (کے ایم ایس)
غیر قانونی طور پر بھارت کے زیر قبضہ جموں و کشمیر میں بھارتی فوج کے ایک اہلکار نے جموں میں خودکشی کر لی ہے ۔
کشمیر میڈیاسروس کے مطابق آسام کے علاقے گوراگوری کے رہائشی بھارتی فوج کے سپاہی بسواجیت گوگائی نے جموں کے علاقے نگروٹہ میں واقع فوجی کیمپ میں اپنی سروس رائفل سے گولی مارکر خودکشی کی جس سے مقبوضہ علاقے میں جنوری 2007سے خودکشی کرنے والے بھارتی فوجیوں اور پولیس اہلکاروں کی تعداد بڑھ کر 532ہو گئی ہے ۔
