مقبوضہ جموں و کشمیر
مودی مندر کے دورے کے دوران تاثراتی رجسٹر پر ہوا میں قلم چلاتے رہے
نئی دلی17فروری(کے ایم ایس) بھارتی وزیر اعظم نریندر مودی کی عیاری اورمکاری کا مظاہرہ نئی دہلی میں ایک مندر کے دورے کے دوران اس وقت دیکھنے کو ملا جب انہوں نے وہاں موجود تاثراتی رجسٹر پر لکھا کچھ بھی نہیں اور محض ہوا میں قلم چلاتے رہے۔
وزیر اعظم نے مندر کے دورے کے دوران پوجا پاٹ بھی کی تاہم وہاں مہمانوں کے لیے موجود تاثراتی رجسٹر پر لکھتے وقت خوب اداکاری کی ۔ خبر رساں ادارے القمر نے اپنی ایک رپورٹ میں کہا کہ نریندرمودی نے رجسٹر پر لکھا کچھ نہیں جب کہ اس میں تاثرات پہلے سے لکھے ہوئے تھے اور وہ صرف ہوامیں قلم چلاتے رہے ۔ نریندر کی ڈرامہ بازی کا یہ منظر وہاں لگے کیمروں نے محفوظ کر لیا۔
