مقبوضہ جموں و کشمیر
این آئی ٹی سرینگر میں 24طلبا ء کا کوروناٹیسٹ مثبت آیا
سرینگر10 اپریل (کے ایم ایس) غیر قانونی طور پر بھارت کے زیر قبضہ جموں و کشمیر میں سرینگرمیں قائم نیشنل انسٹی ٹیوٹ آف ٹیکنالوجی(این آئی ٹی)میں 24طلباء کا کوروناٹیسٹ مثبت آیا ہے۔
کشمیر میڈیا سروس کے مطابق بلاک میڈیکل آفیسرحضرت بل نے گورنمنٹ میڈیکل کالج سرینگر کے محکمہ سوشل اینڈ پریوینٹو میڈیسن کے سربراہ کو ایک خط میں بتایا کہ 47میں سے 24طلبا ء کا کورونا ٹیسٹ مثبت آیا ہے۔ .خط میں کہا گیا ہے کہ برائے مہربانی اس معاملے کو متعلقہ حکام کے ساتھ اٹھایاجائے تاکہ وبا کی روک تھام کے لئے ضروری کارروائی کی جائے۔
