مقبوضہ جموں و کشمیر
بھارت سے150سکھ یاتری واہگہ سرحد کے ذریعے پاکستان پہنچ گئے
اسلام آباد 08 جون (کے ایم ایس)
سکھ مذہب کے گورو ارجن دیو سنگھ کے شہیدی دن (جوڑ میلے )کی تقریبات میں شرکت کے لیے بھارت سے ایک سو پچاس سکھ یاتری واہگہ بارڈر کے ذریعے لاہور پہنچ گئے ہیں ۔
کشمیر میڈیا سروس کے مطابق متروکہ وقف املاک بورڈ کے ترجمان نے میڈیا کو بتایاہے کہ سینئر حکام اورپاکستان گوردوارہ پربندھک کمیٹی کے پردھان نے بھارتی سکھ یاتریوں کا استقبال کیا۔انہوں نے کہا کہ واہگہ پر امیگریشن اور کسٹمز کلیئرنس کا عمل جاری ہے ۔جس کے بعد یاتری اپنی مذہبی رسومات کی ادائیگی کے لیے گردوارہ پنجہ صاحب، حسن ابدال جائیں گے۔سکھ یاتری 10روزہ دورہ پر پاکستان آئے ہیں ۔
