مقبوضہ جموں و کشمیر
کولگام: نامعلوم مسلح افراد کی فائرنگ میں بھارتی پولیس اہلکار ہلاک
سرینگر17 ستمبر (کے ایم ایس )
بھارت کے غیر قانونی زیر قبضہ جموں و کشمیرمیں نامعلوم مسلح افراد نے ضلع کولگام میں ایک بھارتی پولیس اہلکار کو گولی مار کر ہلاک کر دیا۔
کشمیر میڈیاسروس کے مطابق نامعلوم مسلح افراد نے ضلع کے علاقے وان پوہ میں بھارتی پولیس کے کانسٹیبل بنتو شرماکو گولی ماردی جس سے وہ شدید زخمی ہو گیا ۔ اسے قریبی ہسپتال منتقل کیاگیا جہاں ڈاکٹروں نے اسے مردہ قراردیا۔ واقعے کے فورابعد بھارتی فوجیوں اور پولیس اہلکاروں نے علاقے کا محاصرہ کر کے تلاشی کی کارروائی شروع کی ۔
