بھارت
اتر پردیش :اونچی ذات کے ہندووں نے دلت خاتون کو برہنہ کرنے کی کوشش کی
علی گڑھ29 جولائی (کے ایم ایس)بھارتی ریاست اتر پردیش کے ضلع علی گڑھ میں اونچی ذات کے ہندوو¿ں نے ایک 38 سالہ دلت خاتون کو برہنہ کرنے کی کوشش کی۔
کشمیر میڈیا سروس کے مطابق متاثرہ نے بتایا کہ اسے اپنے بیٹوں اور کچھ اونچی ذات کے ہندو مردوں کے درمیان ان کے کھیت کو پانی دینے پر جھگڑے کی اطلاع ملی۔خاتون نے کہا کہ جب میں وہاں پہنچی تو میں نے ان سے درخواست کی کہ وہ میرے بیٹوں کو چھوڑ دیں کیونکہ وہ انہیں مار رہے تھے لیکن انہوں نے میری ایک نہ سنی اور ان میں سے ایک نے میرے کپڑے پھاڑ کر مجھے برہنہ کرنے کی کوشش کی ۔ تاہم وہ اور اس کے بیٹے فرار ہونے میں کامیاب ہو گئے۔
