مقبوضہ جموں و کشمیر
سرینگر: بھارتی پیرا ملٹری اہلکار کو ائر پورٹ پر بیگ سے گولیاں ، آنسو گیس کا گولہ برآمد ہونے پر گرفتار کرلیا گیا
سرینگر30جولائی (کے ایم ایس)بھارت کے غیر قانونی زیر قبضہ جموں وکشمیر میں بھارتی پیراملٹری سینٹرل ریزرو پولیس فورس کے ایک اہلکار کو آج (ہفتہ )سرینگر کے ہوائی اڈے پر بیگ سے گولیاں اور آنسو گیس کا گولہ برآمد ہونے پر گرفتار کیا گیا۔
کشمیر میڈیاسروس کے مطابق ہوائی اڈے کے ڈراپ گیٹ پر اسکریننگ کے دوران 161 ویں بٹالین کے کانسٹیبل رانا پرتاپ کے سامان سے تین گولیاں اور ایک آنسوگیس کا گولہ برآمد ہوا۔پرتاپ کو فوری طور پر پوچھ گچھ کے لیے حراست میں لیا گیا اور بعد میں اسے پولیس چوکی ہمہامہ کے حوالے کر دیا گیا۔ایک افسر نے واقعے کی تصدیق کر تے ہوئے کہا ہے کہ پرتاپ کے خلاف مزید تفتیش شروع کر دی گئی ہے۔
یادرہے کہ گزشتہ روز(جمعہ) بھی بھارتی فوج کے دو اہلکاروں وجے پال اور بابن کمار کو سرینگر ائرپورٹ پر گولیاں برآمد ہونے پر گرفتار کیا گیا تھا۔
