مقبوضہ جموں و کشمیر
جنوبی کشمیرسے پراسرار حالت میں ایک شخص کی لاش برآمد
سرینگر07اگست(کے ایم ایس) غیر قانونی طور پر بھارت کے زیر قبضہ جموں و کشمیر میں قابض حکام نے بتایا کہ آج صبح جنوبی کشمیر میں ضلع اسلام آباد کے علاقے ونپوہ میں سرسونا ریلوے ٹریک کے قریب پراسرارحالت میں ایک شخص کی لاش برآمد ہوئی ہے۔
حکام نے ایک مقامی خبر رساں ادارے جی این ایس کو بتایا کہ کچھ راہگیروں نے ایک درخت سے لٹکتی ہوئی لاش دیکھی اور پولیس کو مطلع کردیا۔ انہوں نے بتایا کہ پولیس کی ایک ٹیم جلد موقع پر پہنچی اور لاش کو طبی اور قانونی کارروائی کے لیے گورنمنٹ میڈیکل کالج اسلام آباد منتقل کردیا۔ لاش کی شناخت مشتاق احمد ڈار ولد عبدالرزاق ڈار ساکن اوڈر اسلام آباد کے طور پر کی گئی ہے۔ایک پولیس افسر نے اس کی تصدیق کرتے ہوئے بتایا کہ انہوں نے لاش کی برآمدگی کا نوٹس لیا ہے۔
