مقبوضہ جموں و کشمیر
مقبوضہ جموں وکشمیر میں ممکنہ بڑے زلزلےکا خطرہ
جموں 27 اگست (کے ایم ایس) ماہر ارضیات پروفیسر ایم اے ملک نے بھارت کے غیر قانونی زیر قبضہ جموں وکشمیر میں ایک بڑے زلزلے کے امکان سے خبردار کیا ہے۔
جموں یونیورسٹی کے شعبہ ارضیات کے ریٹائرڈ سربراہ پروفیسر ملک نے یہ بات مقبوضہ علاقے میںزلزلے کے حالیہ پے در پے جھٹکوں کے تناظر میں کہی۔ ان کا کہنا ہے کہ ہمالیہ کے خطرناک پہاڑی سلسلے میں واقع ہونے کیوجہ سے علاقے میں بڑے زلزلے کے امکانات ہیں۔
یاد رہے کہ جموں و کشمیر میں گزشتہ چار دنوں کے دوران 11 مرتبہ معمولی نوعیت کے زلزلے کے جھٹکے محسوس کیے گئے۔
