جموں
جموں: سڑک حادثات میں 26افراد زخمی
جموں02 ستمبر (کے ایم ایس)بھارت کے غیر قانونی زیر قبضہ جموں و کشمیر میں جموں خطے کے راجوری اور پونچھ اضلاع میں آج دو سڑک حادثات میں کم از کم 26 افراد زخمی ہوگئے۔
کشمیرمیڈیاسروس کے مطابق ضلع پونچھ میں پونچھ-ڈگوار روڈ پر ایک اوورلوڈ آٹو رکشہ سڑک سے پھسل کر کھائی میں جا گری جس کے نتیجے میں 14مسافر زخمی ہوگئے۔زخمیوںکو ڈسٹرکٹ ہسپتال پونچھ منتقل کیا گیا۔ ضلع راجوری میں کالاکوٹ سیوٹ روڈ پر ایک منی بس نے سائر ڈنگا کے مقام پر ایک ٹرک کو ٹکر مار دی جس کے نتیجے میں بارہ مسافر زخمی ہوئے۔ ایک پولیس افسر نے حادثات کی تصدیق کرتے ہوئے بتایا کہ ضلع راجوری میں ہونے والے حادثے کے زخمیوں کو سب ڈسٹرکٹ ہسپتال کالاکوٹ منتقل کر دیا گیا ۔
