جموں
راجوری :ہندو توا مودی حکومت نے کرفیو نافذ کر دیا
جموں 9 ستمبر (کے ایم ایس)بھارت کے غیر قانونی طور زیر قبضہ جموں و کشمیر میں مودی حکومت نے آج( جمعہ) راجوری قصبے میں کرفیو نافذ کر دیا۔
کشمیر میڈیا سروس کے مطابق ہندوتوا آر ایس ایس-بی جے پی اور بجرنگ دل کے غنڈے مسلمانوں کو نماز جمعہ اور دیگردینی فرائض کی ادائیگی سے روکنے کی کوشش کر رہے ہیں اور بھارتی حکومت کی سرپرستی میں اوقاف کی اراضی پر زبردستی قبضہ جمانا چاہتے ہیں۔ اوقاف کی اراضی پر قبضہ کرنے کی کوشش کے بعد راجوری قصبے میں آج صبح سے حالات کشیدہ ہیں۔ قصبے میں گاڑیوں کی آمدورفت کو بھی روک دیا گیا ہے ۔مقامی لوگوں نے بتایا کہ پولیس کی گاڑیاں شہر میںگشت کر رہی ہیں اور لوگوں کو سڑکوںپر نکلنے سے منع کر دیا گیا ہے۔
