او آئی سی اقوام متحدہ کی جنرل اسمبلی کے اجلاس کے موقع پر کشمیر رابطہ گروپ کا اجلاس منعقد کرے گی
اسلام آباد17ستمبر(کے ایم ایس) اسلامی تعاون تنظیم (او آئی سی)کے سیکرٹری جنرل حسین براہیم طحہٰ اقوام متحدہ کی جنرل اسمبلی کے 77ویں اجلاس کے موقع پر جموں و کشمیر کے بارے میں او آئی سی کے رابطہ گروپ کا اجلاس منعقد کریں گے۔
کشمیر میڈیا سروس کے مطابق او آئی سی سیکرٹریٹ جدہ نے ہفتے کو ایک پریس ریلیز میں کہا کہ او آئی سی کے سیکرٹری جنرل تنظیم کے رکن ممالک کے رہنمائوں ، صدور اور علاقائی اور بین الاقوامی تنظیموں کے عہدیداروں کے ساتھ دو طرفہ ملاقاتیں بھی کریں گے۔بیان میں کہا گیا ہے کہ او آئی سی جنرل سیکرٹریٹ او آئی سی کے وزرائے خارجہ کی سطح کا سالانہ رابطہ اجلاس منعقد کرے گا، اس کے علاوہ او آئی سی کی چھ رکنی کمیٹی برائے فلسطین، یورپ میں مسلمانوں سے متعلق رابطہ گروپ اور میانمار میں روہنگیامسلمانوں سے متعلق رابطہ گروپ کے اجلاس بھی منعقد کئے جائیں گے۔او آئی سی کے سیکرٹری جنرل نیویارک میںاقوام متحدہ کی جنرل اسمبلی کے 77ویں اجلاس میں شرکت کے لیے ایک اعلی سطح کے وفد کی قیادت کریں گے۔
