مظاہرے
خاتون کی پراسرار گمشدگی کے خلاف بڈگام میں احتجاجی مظاہرہ
سرینگر21ستمبر(کے ایم ایس) غیر قانونی طور پر بھارت کے زیر قبضہ جموں و کشمیر میں آج ضلع بڈگام کے علاقے ناربل میں ایک خاتون کی پراسرار گمشدگی کے خلاف احتجاج مظاہرہ کیاگیا۔
کشمیرمیڈیاسروس کے مطابق ناربل سے تعلق رکھنے والی عائشہ اختر نامی خاتون منگل کے روز ایک مریض کی خیریت دریافت کرنے کے لیے ایس ایم ایچ ایس ہسپتال سرینگر گئی تھی اور اس وقت سے وہ لا پتہ ہے۔خاتون کے اہلخانہ میں سے ایک نے صحافیوں کو بتایاکہ ہم نے اسے فون کرنے کی کوشش کی لیکن اس کا سیل فون بند ہے۔لواحقین اور مقامی لوگوں نے آج سڑک بلاک کر کے حکام سے لاپتہ خاتون کا سراغ لگانے کا مطالبہ کیا۔
