بھارت
ناگپور:”آر ایس ایس “ ہیڈکوارٹر کے محاصرے کی کوشش، بیسیوں گرفتار
ناگپوربھارت07اگست( کے ایم ایس)بھارت کی ریاست مہارشٹرا کے شہر ناگپور میں قائم ہند اتوا تنظیم راشٹریہ سوائم سیوک سنگھ(آر ایس ایس) کے ہیڈکوارٹر کا محاصرہ کرنے کی کوشش کی گئی ہے ۔ محاصرے کی کوشش ”بھارت مکتی مورچہ“نامی تنظیم نے کی۔
ومن میشرم کی زیر قیادت بھارت مکتی مورچہ کے سینکڑوں کارکن آرایس ایس ہیڈکوارٹر کے گھیراﺅ کیلئے ناگپور پہنچے تھے تاہم پولیس نے انہیں آگے نہیں بڑھنے دیاجس پر انہوں نے اندراچوک میں دھرنا دیدیا۔ پولیس نے ان پر ہلہ بول کر بیسیوں کارکنوں کو گرفتار کر لیا۔ آرایس ایس ہنڈکوارٹر کے باہر سے بھی سو کے لگ بھگ لوگوں کوحراست میں لیا گیا۔ بھارت مکتی مورچہ کا کہنا ہے آر ایس ایس کا نظر یہ بھارتی آئین کے منافی ہے لہذا اسکے خلاف کارروائی ضروری ہے۔
