خصوصی دن
پاکستان نیشنل کونسل آف آرٹس 27اکتوبر کو مختلف پروگراموں کا اہتمام کرے گی
اسلام آباد 25اکتوبر(کے ایم ایس)پاکستان نیشنل کونسل آف آرٹس(پی این سی اے) کشمیریوں کی طرف سے 27اکتوبر کویوم سیاہ کے طورپر منانے کی مناسبت سے مختلف پروگراموں کا اہتمام کرے گی۔
پی این سی اے کے ایک عہدیدار نے بتایا کہ ا سکولوں اور کالجوں کے طلبا ء کے درمیان تقریری اور ٹیبلوز مقابلوں کا اہتمام کیا جائے گا تاکہ انہیں یوم سیاہ منانے کی اہمیت اور حق خودارادیت کے حصول کے لئے کشمیریوں کی جدوجہد سے آگاہ کیا جا سکے۔انہوں نے کہا کہ پروگراموں میں حصہ لینے والے اسکولوں کے ساتھ ساتھ شرکا ء کو سرٹیفکیٹ اور اعزازی شیلڈدیے جائیں گی۔
